الرئيسية
[size=18]
سلام علاكم  علام المنتدى خامل .. ؟  علام الناس مالها صوت ؟  علام الناس مجحره في بيوتها ... ولايظهرون ؟  أكيد في الموضوع سرّ ابو صعفق  .. وكمان ركبه سكروب السمرا ! وبعد التقصي ودودلة الراس بين مجموعه كبيره من الزملاء والأصحاب والسلنتح وعمّال المقاهي والشات الزهري  .. تبين ان الناس مشغوله هالأيام بالمذاكر ما ادري هل الإختبارات قربت  واحدن يقول لي أن كل واحد جالس يذاكر في بيتهم .. وانه معتزل المنتديات وغثاها .. عشان يرسب .. قصدي ينجح وبدرجه حلوه تمشّي حاله الأيام الجايه مع العطاله والبطاله !  صراحه مشكلة هاللي يذاكرون ويشدون حيلهم ويشترون مُلخّصات .. مصدقين أنفسهم أنهم بيتوضّفون أو بيتعينون مُدرسين ! ...  أحلق حواجبي إذا كان فيه مستقبل .. والمستقبل بيد الله - عزّ وجلّ - .. ومصير حياتكم المستقبليه ... ياكبينة تلفونات .. أو محل خُضار ! ..  عالعموم ... أي واحد يبغى يتوضّف في محل خُضار .. ترا عندي واســـــــطه  ... واقدر أجيب له أحسن محل خُضار  .. يداوم فيه الواحد " فتره وحده " ويستلم نهاية الشهر ( خمسه ريال ) مشقوقه  .. واحتمال تكون مزوره .. وابرأ إلى الله من اللي زوّرها  !وإن تسان مستواك منتازوعلى آواخر ثالث ثنوي فإنت أكوس واحد  شد حيلك ولا عليك من احد زاكر لين ينفجر رويسك  <~ هذا مستقبل موب لعب  صراحه .. قبل كم يوم .. صار في الحي عندنا " صجّه ولجّه " وإزعاج وكلام مُزعج عن أخونا الحبيب ( عبدالمنعم السوداني ) .. وأنه هارب من الجوازات .. لأن إقامته صارت منتهيه الفاعليه والصلاحيه من سبع سنوات !  ما أخفيكم .. وبِحُكم محبتي لذاك الشخص العزيز اللي عليه ريحه رهيبه تشق الخشم وتعلّقه على أقرب " مروحه " ... زعلت وحزنت  .. ويعلم الله ماهو عشان ( السبعه ريال ) اللي أطلبه إياها .. وإنما عشان الرجّال عزيز وغالي علينا في الحي ... وله عشرة عمر معنا من سنوات طويله !  السالفه ومافيها .. إن الرجال كان رايح له مشوار للبوفيه إللي في أقصى الحاره .. يبي له شوية " فول وعدس بزيت وسمن " .. وفجأه طبّت عليه الجوازات وكان معه واحدن من الربع اسموه نواف .. يقول لي نواف .. أنا فجأه ( ماصرت أشوف عبدالمنعم ) .. واشوف عسكري الجوازات ناطل " القايش " في الشارع ويركض حافي ! طلعت من البوفيه وانا كني مهبول .. !  شوي رجع لي العسـكري .. وتلّني مع رقبتي .. ونخلني .. ونطلني في قفى " جيب الدوريه " ! .. ويصرخ العسكري في وجهي ( أنت متواطئ ! )  أنا صراحه ما أرتعت من كرشة العسكري .. كثر روعتي من كلمته اللي عجزت أحل حروفها .. أو أفكّ " شفرتها " !  ( أنـــت متــــواطــئ ) أنت .. كلمه تعود على ( نواف الحول ) متواطئ .. تعني أنك مُعاون للمجرم بتمويل مالي أو تصريح صحفي أو تمويه على السلطات الأمنيه ! ( نواف راح فــيــهــا )  بهذه الكلمات أنهى خوينا نواف نفسه وهو يتصبصب عرق .. وبدت ريحته تفوح في أجواء " الدوريه " !  شوي .. وينزّله العسكري من " شنطة الجيب " ويوجّه له سؤال خطير .. وش علاقتك بــ " الزول السوداني " الهارب ؟  جاوبه نواف بكل غباء  .. بأني ما أدري عنه .. السوداني هذا .. رجّال مرّني في البيت .. ولزّم علي أني أتعشى معه " فول وعدس بزيت وسمن وتبن " جعله يملى ثمه ! أخيراً .. فكّوا نواف .. بعد مامحطوه مع قفاه بالقايش .. عشان مايمشي مع ناس مُتخلفين في البلد .. وربما أنهم يشكّلون خطر على العبِاد والبِلاد << قالوا أيش .. قالوا خطر !  عاد يوم دريت أنا عن السالفه .. رحت لخوي لي في قسم الجوازات .. دايم يستلم خفير على الباب ... وسألته " وش سالفة خوينا عبدالمنعم " ؟  فبيّن لي .. أن أخونا " عبدالمنعم " مطلوب لوجه العداله ... لأنه مُقيم في البلد من سبع سنوات بإقامه مُنتهية الصلاحيه ... وانه صار مزوّر التاريخ .. ولاعب في الإقامه ! أفا ياعبدالمنعم ... صرت مطلوب ... وقاعد تمشي معنا من ذيك الأيام ! أفا ياعبدالمنعم ... صرت مُجرم .. وخالفت نظام البلد ولاجددت إقامتك بـ " ميتين ريال " ! .. ياخي قل لنا ( نسلّفك  ) !نصيحه ياعبدالمنعم .. رح تهريب لمكّه .. وخذ لك عمره .. ولايردّك إلا الخرطوم .... وكل ماخذت لك " خمسة شهور " عوّد علينا بـ ( تهريب عن طريق مكّه ) ! بنفقدك والله .. وبتفقدك حارتنا .. وبيفقدك نواف .. وبيفقدك راعي ( الفوّال ) لأن عليك حساب ماسددته !أبيك تحللني .. لأني بعت أغراضك اللي في عزبتك .. بعت تلفزيونك اللي بدون " أريل " وبعت ثلاجتك اللي بدون باب .. وبعت مكيفك اللي مايشتغل إلا على الحار !  بعتها .. وتصدقت بفلوسها على ( جيبي ) .. الله لايحرمك أجرها سلام ما يستفاد من الموضوع ’, 1/ الي معاني من الوظايف لا يهموه ندورله وظيفه طيبه 2/ لا تستحقر الناس وإمش مع أياً كان يعني طبيعي يكون خويك سوداني مصري يماني , لبناني <~ امشي معك وانا ما اشوف الدرب انعن ابو هيك 3/ لا تتستر على عماله مخالفه حتى لو كان اخوك ما تدري انت امكن عندوه بلا ولا مصيبتن امن تروح انت وياه في قلايع وادرين 4/مافيه شي مخليها فاضيه تسذا  5/ التقييم ان تسان يستحق منقول |
